Beıjiń-2022: Shańǵymen tuǵyrdan sekirýde qazaqstandyqtar irikteýden asa almady
NUR-SULTAN. QazAqparat - Beıjiń Olımpıadasynda shańǵymen tuǵyrdan sekirýden alǵashqy jarystar óz máresine jetti, dep habarlaıdy QazAqparat tilshisi.
Atalǵan synda Qazaqstan namysyn Danıl Vasılev pen Sergeı Tkachenko qorǵaǵan bolatyn. Ókinishke qaraı, ekeýi de irikteý synynan ary asa alǵan joq.
Bul sport túri boıynsha alǵashqy irikteýden úzdik shyqqan 30 sportshy ǵana Fınalǵa joldama alady.
Jarys nátıjesiniń qorytyndysy boıynsha qazaqstandyq Sergeı Tkachenko 41-shi, al Danıl Vasılev 46-shy oryndardy mise tutyp, alǵashqy 30 sportshynyń qataryna kire almady.
Aıta keteıik, Beıjiń qalasyndaǵy 2022 jylǵy Qysqy Olımpıadada sporttyń jeti túrinen 109 medal jıyntyǵy sarapqa salynady. Aq Olımpıadada elimizdiń atynan 34 sportshy 85 joldama boıynsha synǵa túsedi.
