Beıjiń-2022: Olımpıadanyń ashylýynda 3 myńnan astam adam óner kórsetedi

NUR-CULTAN. QazAqparat - Qytaı astanasy - Beıjińdegi XXIV qysqy Olımpıadasy ashylý saltanatynda úsh myńnan astam 3 myńnan astam adam óner kórsetedi, dep habarlaıdy QazAqparat tilshisi.

Aıta ketsek, 2008 jyly Beıjiń qalasynda ótken Jazǵy Olımpıada oıyndarynda 15 myńnan astam akterler teatrlandyrylǵan kórinisterge qatysty. Bıyl koronavırýs pandemııasyna baılanysty olardyń sany shekteldi. Bul joly 3 myńǵa tarta adam jahan óner kórsetedi.

Aq Olımpıadanyń ashylý saltanaty «Qus uıasy» ulttyq stadıonynda ótkizilmek.

Saltanatty shara 4 aqpanda saǵat 18:00-de bastalady. Ony «Habar», «Qazaqstan», «Qazsport» jáne «Elarna» telearnalary tikeleı efırde kórsetedi.

Saltanatty sharaǵa álemniń 20-dan astam elinen Memleket jáne Úkimet basshylary qatysady dep kútilýde. Olardyń qatarynda Qazaqstan Prezıdenti Qasym-Jomart Toqaev ta bar.

Aldyn-ala málimet boıynsha Aq Olımpıadanyń ashylý saltanaty eki saǵatqa sozylady.

Bıylǵy XXIV qysqy Olımpıadaǵa álemniń 90-nan astam elinen úsh myńnan astam sportshy qatysady dep kútilýde. Jarys baǵdarlamasyna sáıkes, sporttyń 15 túri boıynsha 109 medal sarapqa salynady.

Qazaqstannyń olımpıadalyq quramasynyń atynan Abzal Ájiǵalıev pen Ekaterına Aıdova Tý kóterip shyǵady.

XXIV qysqy Olımpıada oıyndary Beıjińde 4-20 aqpan aralyǵynda ótedi.