Beıjiń-2022: Olımpıadanyń alǵashqy altyny qaı elge buıyrdy
NUR-SULTAN. QazAqparat - Beıjińde ótip jatqan Qysqy Olımpıada oıyndarynyń alǵashqy altynyn jeńip alǵan sportshynyń esimi belgili boldy, dep habarlaıdy QazAqparat tilshisi.
Búgin áıelder arasynda shańǵy jarysynan (skıatlon (7,5 km/7,5 km) medaldar sarapqa salyndy. Nátıjesinde norvegııalyq shańǵyshy Tereza Iohaýg Olımpıada oıyndarynyń alǵashqy altyn medalin qanjyǵasyna baılady. Atalǵan synda Reseı ókili Natalıa Neprıaeva ekinshi oryndy jeńip alyp, alǵashqy kúmis júldeger atasa, alǵashqy qola medalǵa avstrııalyq shańǵyshy Tereza Stadlober qol jetkizdi.
Atalǵan synda Qazaqstan namysyn tórt shańǵyshy qorǵady. Alaıda jerlesterimiz úzdikter qatarynan kórine alǵan joq.
Foto: Getty Images
