Beıjiń-2022 Olımpıada oıyndaryna arnalǵan nysandar daıyn boldy
Sonymen qatar atalǵan nysandar Lozannada ótken Halyqaralyq olımpıada komıteti Atqarýshy komıtetiniń otyrysynda halyqaralyq federatsııalar tarapynan bekitildi, dep habarlaıdy QazAqparat tilshisi.
QR Ulttyq olımpıada komıtetiniń resmı saıtynda jarııalanǵan málimetke qaraǵanda, úsh Olımpıada qalashyǵy, basty medıa ortalyq, ulttyq stadıon jáne jarysqa ótetin ózge de nysandar paıdalanýǵa berilgen. Sporttyń muz ústinde ótetin túrlerine arnalǵan nysandarda muz quıý, «Oıyn bet-beınesi» josparyn ázirleý jumystary aıaqtalǵan. Tekserý júrgizilip jatqanyna qaramastan Beıjiń, ıAntsın jáne Chjantszıakoýda ótip jatqan testik is-sharalar men jattyǵýlar barysynda nysandardyń barlyǵy jetildirile túsýde. Ótken qazan aıynda ǵana konkımen júgirý, mánerlep syrǵanaý, short-trek syndy sport túrlerinen halyqaralyq jarystar uıymdastyrylǵan. Qarasha men jeltoqsan aılarynda shana sportynan, frıstaıl men snoýbordtan halyqaralyq jarystar ótedi. Sonymen qatar hokkeıden testik jarys uıymdastyrylady.
Aıta keterligi 2022 jylǵy Beıjiń qysqy Olımpıada oıyndary 4-20 aqpan aralyǵynda, al Paralımpıada oıyndary 4-13 naýryz aralyǵynda ótedi.
