Beıjiń-2022: Norvegııa quramasy 9 altynmen kósh bastap keledi

Beıjiń Olımpıadasynda sarapqa salynatyn 109 medaldar jıyntyǵynyń 69-y óz ıelerin taýyp úlgerdi. Jalpy sarapqa salynatyn medaldardyń kóbisi ketip azy qaldy. Olımpıada oıyndary da endi sanaýly kúnde máresine jetedi.

Búgin de jalpy medaldar kestesinde Norvegııa quramasy 9 altyn, 5 kúmis, 7 qola (21) medalmen kósh basynda keledi. Ekinshi orynda Germanııa quramasy tur. Olardyń enshisinde 8 altyn, 5 kúmis, 2 qola (15) medal bar. Al úzdik úshinshi oryndy 7 altyn, 6 kúmis, 3 qola (16) medalmen AQSh quramasy túıindep tur.

Medal kórsetkishimen úzdik ondyqta turǵan elder:

1. Norvegııa - 9 altyn, 5 kúmis, 7 qola

2. Germanııa - 8 altyn, 5 kúmis, 2 qola

3. AQSh - 7 altyn, 6 kúmis, 3 qola

4. Nıderland - 6 altyn, 4 kúmis, 2 qola

5. Avstrııa - 5 altyn, 6 kúmis, 4 qola

6. Shvetsııa - 5 altyn, 3 kúmis, 3 qola

7. Qytaı - 5 altyn, 3 kúmis, 2 qola

8. Reseı - 4 altyn, 6 kúmis, 8 qola

9. Frantsııa - 3 altyn, 6 kúmis, 2 qola

10. Shveıtsarııa - 3 altyn, 0 kúmis, 5 qola

Aıta keteıik, dál búginge deıin Olımpıada medaline qol jetkizgen elder qatary 26-ǵa jetti. Onyń ishinde 21 memlekettiń qorjynynda altyn medal bolsa, 23 memlekette kúmis júlde bar. Sondaı-aq, Belgııa, Latvııa jáne Polsha elderiniń qorjyndarynda bir-bir qola medaldan bar.

Ókinishke qaraı, Qazaqstan qorjyny ázirge bos.