Beıjiń-2022: Norvegııa altyn medaldar sany boıynsha kóshbasynda

BEIJІŃ. QazAqparat - Beıjińde ótip jatqan Aq Olımpıada oıyndarynda búgin Norvegııa quramasy altyn medaldar sanyn 14-ke jetkizdi, dep habarlaıdy QazAqparat tilshisi.

Norvegııa osydan týra tórt jyl buryn Phenchhan qalasynda ótken Olımpıada oıyndarynda 14 altyn medalmen jalpy komandalyq esepte top jarǵan bolatyn. Sol jetistigine búgin, ıaǵnı 17 aqpanda, Olımpıda oıyndary aıaqtalmaı turyp qol jetkizip otyr. Aldaǵy ýaqytta altyn medaldar sanyn taǵy da ulǵaıtýy bek múmkin. Sebebi, alda áli eki kún bar.

Kóshbasshynyń qorjynynda ázirge 14 altyn, 7 kúmis, 8 qola (29) medal bar. Ekinshi orynda turǵan Germanııa quramasynyń enshisinde 10 altyn, 7 kúmis, 5 qola (22) medal bar. Al úzdik úshinshi oryndy turǵan AQSh-tiń qorjynynda 8 altyn, 8 kúmis, 5 qola (21) medal bar.

Medal kórsetkishimen úzdik ondyqta turǵan elder:

1. Norvegııa - 14 altyn, 7 kúmis, 8 qola

2. Germanııa - 10 altyn, 7 kúmis, 5 qola

3. AQSh - 8 altyn, 8 kúmis, 5 qola

4. Shvetsııa - 7 altyn, 4 kúmis, 4 qola

5. Qytaı - 4 altyn, 4 kúmis, 2 qola

6. Avstrııa - 6 altyn, 7 kúmis, 4 qola

7. Nıderland - 6 altyn, 5 kúmis, 4 qola

8. Shveıtsarııa - 6 altyn, 1 kúmis, 5 qola

9. Reseı - 5 altyn, 9 kúmis, 12 qola

10. Frantsııa - 4 altyn, 7 kúmis, 2 qola

Aıta keteıik, dál búginge deıin Olımpıada medaline qol jetkizgen elder qatary 28-ge jetti. Onyń ishinde 21 memlekettiń qorjynynda altyn medal bolsa, 24 memlekette kúmis júlde bar. Sondaı-aq, Belgııa, Latvııa Polsha jáne Estonııa elderiniń qorjyndarynda bir-bir qola medaldan bar.

Ókinishke qaraı, Qazaqstan qorjyny ázirge bos tur.