Beıjiń-2022: Medal kútken kún edi, úmit aqtalmady
Búgin Qazaqstan quramasy Olımpıada oıyndaryndaǵy kezekti jarys kúnin aıaqtady.
Jankúıerler búgin ıÝlııa Galysheva el qorjynyna medal salady dep úmittengen bolatyn. Ókinishke qaraı otandasymyz 2018 jyly Ońtústik Koreıanyń Phenchhan qalasynda ótken Olımpıadadaǵy jetistigin qaıtalaı alǵan joq. Ol onda el qorjynyna bir qola medal salǵan edi.
Bul sport túrinen Galyshevadan bólek Olesıa Graýr, Aıaýlym Ámirenova, Anastasııa Gorodko baq synady. Ókinishke qaraı bul sportshylarymyz ekinshi irikteýden súrinip, fınaldyq synǵa ote almaı qaldy.
Іrikteý saıysynda Olesıa Graýr - 18-oryn, Aıaýlym Ámirenova 12-orynǵa ıe bolsa, Anastasııa Gorodko - 11-orynǵa qol jetkizdi.
Frıstaıl-mogýldyń erejelerine sáıkes ekinshi irikteý kezeńinen ótý úshin sportshylar alǵashqy ondyqqa iligýi tıis. Sonda ǵana ol sportshy Olımpıadanyń fınalyna ótýge múmkindik alady.
Sondaı-aq, búgin Beıjiń Olımpıadasynda shańǵymen jarysýdan erler arasyndaǵy skıatlon (15 shaqyrym klassıkalyq ádis + 15 shaqyrym erkin ádis) saıysynyń myqtylary anyqtaldy.
Bul dodada jarysqa Qazaqstan atynan eki shańǵyshy qatysqan bolatyn. Qazaqstandyq Vıtalıı Pýhkalov tórt jyl burynǵy nátıjesin qaıtalap, 32-shi orynǵa turaqtady. Ol jeńimpazdan 7 mınýt 35 sekýndqa qalyp qoıǵan. Taǵy bir sportshymyz Evgenıı Velıchko jarysty aıaqtaı alǵan joq.
Búgin sonymen birge Beıjiń Olımpıadasynda shańǵymen tuǵyrdan sekirýden alǵashqy irikteý saıystary ótti. Atalǵan synda Qazaqstan namysyn Danıl Vasılev pen Sergeı Tkachenko qorǵaǵan bolatyn.
Ókinishke qaraı, ekeýi de irikteý synynan ary asa alǵan joq. Bul sport túri boıynsha alǵashqy irikteýden úzdik shyqqan 30 sportshy ǵana Fınalǵa joldama alady. Jarys nátıjesiniń qorytyndysy boıynsha qazaqstandyq Sergeı Tkachenko 41-shi, al Danıl Vasılev 46-shy oryndardy mise tutyp, alǵashqy 30 sportshynyń qataryna kire almady.
