Beıjiń-2022: Medaldar kestesinde kóshbasshylar almasty
BEIJІŃ. QazAqparat - Qytaı astanasy Beıjiń qalasynda ótip jatqan Aq Olımpıada oıyndary kún ótken saıyn qyza túsýde. Jalpy medaldar kestesi sát sanap ózgerýde, dep habarlaıdy QazAqparat tilshisi.
Olımpıada oıyndary resmı ashylǵan 4 aqpannan beri jalpy medaldar kestesinde kósh bastap kele jatqan Norvegııa búgin 1-orynnan 6-orynǵa syrǵydy.
Keshe ǵana, ıaǵnı 6 aqpannyń qorytyndysynda ekinshi orynǵa jaıǵasqan Shvetsııa búgin 3 altyn medalmen jeke dara kósh basyna shyqty. Osydan bir kún buryn ekinshi orynda turǵan reseılikter búgin de sol bıikterinen qulaǵan joq. Olardyń enshisinde 2 altyn, 3 kúmis, 2 qola medal bar.
Úzdik úshtikti 2 altyn, 2 kúmis, 1 qola medal jeńip alǵan Nıderland quramasy túıindep tur.
Úzdik ondyqqa enip otyrǵan memleketter:
1. Shvetsııa - 3 altyn
2. Reseı - 2 altyn, 3 kúmis, 2 qola
3. Nıderland - 2 altyn, 2 kúmis, 1 qola
4. Qytaı - 2 altyn, 2 kúmis
5. Germanııa - 2 altyn, 1 kúmis
6. Norvegııa - 2 altyn, 2 qola
7. Slovenııa - 2 altyn, 1 qola
8. Italııa - 1 altyn, 3 kúmis, 1 qola
9. Kanada - 1 altyn, 1 kúmis, 4 qola
10. Japonııa - 1 altyn, 1 kúmis, 2 qola.
Aıta keteıik, dál búginge deıin jalpy 19 memlekettiń sportshylary Beıjiń Olımpıadasynyń medalin jeńip alyp, mereıi ústep boldy.
Ókinishke qaraı qazaqstandyq sportshylardan áli eshkim júldeli oryndarǵa qol jetkize alǵan joq.
