Beıjiń-2022: Medaldar kestesi boıynsha úzdik úshtikte Norvegııa, Shvetsııa men Reseı tur

NUR-SULTAN. QazAqparat - Qytaı astanasy Beıjiń qalasynda ótip jatqan 2022 jylǵy qysqy Olımpıada oıyndarynda 6 aqpandaǵy medaldar esebi jarııalandy, dep habarlaıdy QazAqparat.

Qazaqstandyq sportshylar 5 aqpanda shańǵymen jarys, frıstaıl (mogýl) jáne shańǵymen tuǵyrdan sekirý saıystarynan jarys jolyna shyqty. Olardyń barlyǵy júldegerler qatarynan kórine alǵan joq.

Dúbirli dodada 6 aqpanda medal alǵan memleketter sany 18-ge jetti. Saıystar barysynda Nıderlandy, Avstralııa, Jańa Zelandııa, AQSh, Polsha, Fınlıandııa júldegerler qataryn tolyqtyrdy.

Konkı sportynda bir altyn, bir kúmis alǵan Nıderlandy birden besinshi orynǵa kóterildi. Al frıstaılda altyn, snoýbordta qolaǵa qol sozǵan Avstralııa altynshy orynǵa turaqtasa, sloýpstaılda birinshi orynǵa taban tiregen Jańa Zelandııa onynshy orynǵa jaıǵasty.

Sondaı-aq, AQSh - 2 kúmis (frıstaıl-mogýl, snoýbord), Polsha - 1(frıstaıl-mogýl, snoýbord), Fınlıandııada -1 (shańǵymen jarys) qola medal aldy.

Beıjiń Olımpıadasynda 6 aqpandaǵy medal alǵan el quramalarynyń alǵashqy bestigi tómendegishe:

1. Norvegııa - 2-0-1

2. Shvetsııa- 2-0-0

3. Reseı - 1-2-2

4. Germanııa - 1-1-0

5. Nıderlandy - 1-1-0

Aq Olımpıadada elimizdiń atynan 34 sportshy 87 joldama boıynsha synǵa túsedi.