Beıjiń-2022: Qyzdardyń kórsetkishine rızamyn –Frıstaıl-akrobatıkadan aǵa jattyqtyrýshy
«Aldymen aıtarym, frıstaıl-akrobatıka sporty bir orynda turǵan joq. Jyl sanap jetile túsip jatyr. Buryn qyzdar úshin sekirý kórsetkishi basqasha bolsa, qazir qyzdar uldarmen birdeı deńgeıde myqtylyǵyn dáleldeý kerek. ıAǵnı buryn ekeýlik deńgeıde sekirse, endi úsheýlik sekirý qajet. Beıjiń olımpıadasyna sońǵy 2 jyl tynymsyz daıyndaldyq. Frıstaıl-akrobatıkadan ótken jyly bolǵan álem kýbogynda bizdiń sportshylar óte jaqsy nátıje kórsetti», - dedi J. Arapbaeva Beıjińnen tikeleı efırde ótken baspasóz máslıhatynda.
«Negizi biz frıstaıl-akrobatıkadan fınalǵa shyǵýdy maqsat tutyp kelgenbiz. Óz basym qyzdardy maqtan tutamyn, kórsetkishterine rızamyn. Bizdiń sportshy qyzdar batyl, erjúrek», - deıdi ol.
Sondaı-aq, brıfıngte Beıjiń olımpıadasynda frıstaıl-akrobatıkadan fınalǵa shyqqan jerlesimiz Aqmarjan Qalmurzaeva jarystan keıingi áserimen bólisti.
«Jarys kezinde qobaljý boldy. Sebebi halyqaralyq olımpıadanyń fınalyna birinshi ret shyǵýym. Qobaljýdan keıin de saıys qıynǵa soqty dep oılaımyn. Birneshe qatelik jiberdim. Degenmen joldan taıyp ketpeı sońyna deıin bardym. Shańǵym ketip qalǵanda joldan shyǵa salsam bolar edi, biraq men óner kórsetýdi jalǵastyra berdim. Qulamaýǵa tyrystym, ıaǵnı qolymnan kelgenniń bárin istedim. Tóreshilerdiń óz sheshimi bar, 11 orynǵa laıyq boldym», - deıdi sportshy.
Eske sala ketsek, Qytaı astanasy Beıjiń qalasynda ótip jatqan Aq Olımpıada oıyndarynda frıstaıl-akrobatıkasynan Aqmarjan Qalmurzaeva fınalǵa ótken edi.
Degenmen jerlesimiz fınalda súrinip, júldege ilikpeı qaldy.
