Beıjiń-2022: Qysqy Paralımpıadaǵa qatysatyn Qazaqstan quramasy anyqtaldy

NUR-SULTAN. QazAqparat - Beıjiń-2022 XIII Qysqy Paralımpıada oıyndaryna qatysatyn Qazaqstan Ulttyq quramasy belgili boldy, dep habarlaıdy QazAqparat tilshisi.

QR Ulttyq Paralımpıada komıteti málim etkendeı, Beıjińde ótetin paralımpıada oıyndaryna Qazaqstannan bes sportshy barady.

Olar - Aleksandr Gerlıts, Erbol Hamıtov, Sergeı Ýsoltsev, ıÝrıı Berezın jáne Denıs Petrenko.

Qazaqstannyń paralımpıadalyq sportshylary eki sport túri boıynsha: shańǵy jarysy jáne bıatlonnan synǵa túsedi.

Aldyn ala jospar boıynsha, XIII qysqy Paralımpıada oıyndary 2022 jyldyń 4-13 naýryzy aralyǵynda Beıjińde ótedi. Oıyndarǵa 50 elden 736 sportshy qatysady dep kútilýde.

Sportshylar qar sporty (taý shańǵysy, shańǵy jarysy, bıatlon jáne snoýbord) jáne muzdaǵy sport (shanamen hokkeı jáne múgedekter arbasynda kerlıng) boıynsha eki kategorııa boıynsha alty sport túrinen 78 túrli jarysqa qatysady.