Beıjiń-2022 – Qazaqstannyń júldesiz qalǵan úshinshi Olımpıadasy
Beıjińge eń tańdaýly degen 34 atletimizdi attandyrǵan bolatynbyz. Olar - qysqy sport oıyndarynyń ishinde sporttyq shańǵy jarysy, frıstaıl-mogýl, shańǵy akrobatıkasy, taý shańǵysy, shańǵymen sekirý, bıatlon jáne short-trek túrlerinen el namysyn qorǵady.
Osy sport túrleriniń arasynda tek short-trekshilerimiz ǵana Beıjiń Olımpıadasynda ózderiniń eń joǵarǵy kórsetkishin kórsete bildi. Abzal Ájiǵalıev 500 metr qashyqtyqta medalǵa synyq súıem jetpeı, Olımpıada oıyndaryn 4-shi orynmen aıaqtady. Al 1500 metr qashyqtyqta Ádil Ǵalıahmetov 8-shi orynǵa taban tiredi. Sondaı-aq, etafetalyq synda taǵy da short-trekshilerimiz 5-orynǵa qol jetkizdi. Bul Qazaqstan ulttyq quramasynyń Beıjiń Olımpıadasyndaǵy eń úzdik kórsetkishteri retinde tarıhta qalmaq.
Endi ótken tarıh betterine qaıta bir úńilsek, Qazaqstan ulttyq quramasy 2002 jyly AQSh-tyń Solt-Leık-Sıtı qalasynda ótken XІH jáne 2006 jyly Italııanyń Týrın qalasyndaǵy XH Oıyndarynda eki ret osylaı júldesiz qalǵan bolatyn.
Qysqy Olımpıada oıyndary tarıhynda qazaqstandyqtar arasynan alǵashqy medaldi qostanaılyq shańǵyshy Ivan Garanın Keńes Odaǵy kezinde jeńip alǵan. Ol 1976 jyly Insbrýk qalasynda ótken XII Olımpıada oıyndarynda eki qola medal enshilegen bolatyn.
Al 1988 jyly Kalgarıde ótken XV Olımpıada jarystarynda shańǵyshylar Vladımır Sahanov - kúmis, Vladımır Smırnov qos kúmis pen qola medalǵa qol jetkizdi.
Alaıda, bul júldeler el egemendigine deıin bolǵandyqtan kóp jaǵdaıda jıi aıtyla bermeıdi.
Qazaqstan 1994 jyly tuńǵysh ret táýelsiz memleket retinde Aq Olımpıadada baq synap, kók týymyzdy tórtjyldyq dodanyń tórinde jelbiretti. XVII Qysqy Olımpıada oıyndarynda el quramasy qanjyǵasyna 1 altyn, 2 kúmis medal salyp qaıtty. Bul úsh medaldyń úsheýin de shańǵyshy Vladımır Smırnov alyp berdi. Osy júldelerdiń arqasynda elimiz jalpykomandalyq esepte 12-orynǵa turaqtady.
Mine, sol ýaqyttan beri Qazaqstan sportshylary Qysqy Olımpıada oıyndarynan birde-bir altyn júlde ala almaı keledi.
1998 jyly Japonııanyń Nagano qalasynda ótken XVІІІ Oıyndarǵa taǵy da shańǵyshy Vladımır Smırnov qatysyp, «qola» enshiledi. Sondaı-aq konkımen júgirýshi Lıýdmıla Prokashevaǵa da qola medal buıyrdy.
Al, 2002 jyly AQSh-tyń Solt-Leık-Sıtı qalasynda ótken XІH jáne 2006 jyly Italııanyń Týrın qalasyndaǵy XH Oıyndarda otandastarymyzdyń eshbiri jeńis tuǵyrynan kórine alǵan joq.
Al 2010 jyly Kanadanyń Vankýver qalasynda jalaýy jelbiregen HHІ Qysqy Olımpıada oıyndarynda qazaqstandyq bıatlonshy Elena Hrýstaleva jekeleı synda kúmis medaldi jeńip aldy.
2014 jyly Reseıdiń Sochı qalasynda ótken Qysqy oıyndarda mánerlep syrǵanaýshy Denıs Ten qos baǵdarlama boıynsha 255,1 upaı jınap, Qazaqstan qorjynyna qola júldeni saldy.
2018 jyly Ońtústik Koreıanyń Phenchhan qalasynda ótken oıyndarda ıÝlııa Galysheva frıstaıldyń mogýl túrinen bir qola medalǵa qol jetkizdi.
Qazaqstannyń Qysqy Olımpıada oıyndarynda alǵan medaldar sany:
1994 jyl: 1 altyn, 2 kúmis medal
1998 jyl: 2 qola medal
2002 jáne 2006 jyldary júlde bolǵan joq
2010 jyl: 1 kúmis medal
2014 jyl: 1 qola medal
2018 jyl: 1 qola medal
2022 jyl: Júlde alǵan joq.
Jalpy Qazaqstan qysqy Olımpıada oıyndarynan uzyn-sany 8 medal jeńip alǵan. Onyń bireýi - altyn, úsheýi - kúmis, tórteýi -qola medal.
