Beıjiń-2022: Qazaqstannyń paralımpıadaǵa baratyn qurama komandasy anyqtaldy

NUR-SULTAN. QazAqparat – Beıjiń –2022 qysqy paralımpıada oıyndarynda el namysyn qorǵaıtyn parasportshylar ańyqtaldy, dep habarlaıdy QazAqparat QR Paralımpıada komıtetiniń baspasóz qyzmetine silteme jasap.

XIII qysqy paralımpıada oıyndary bıyl 4-13 naýryz aralyǵynda Qytaı astanasy Beıjińde ótedi.

Aıtýly dodada el namysyn Erbol Hamıtov, Aleksandr Gerlıts, Denıs Petrenko, ıÝrıı Berezın jáne Sergeı Ýsoltsev para shańǵy jáne para bıatlon sport túrinen qorǵaıdy.

«Epıdjaǵdaı sportshylardyń Beıjiń-2022 qysqy paralımpıada oıyndaryna tolyqqandy qatysýyna kedergi keltirdi. Sportshylardyń kóbisi paralımpıada aldyndaǵy irikteý jarystaryna qatysa almady. Sondyqtan jarysqa ulttyq komanda tolyq qurammen bara almaıdy. Bizdiń paralımpıadashylar qysqy oıyndarǵa barar jolda úlken jumys atqardy, kóp eńbek etti. Paralımpıada oıyndaryna joldama alýdyń ózi úlken jetistik. Bizdiń paralımpıadashylardyń jeńiske degen umtylysy joǵary, áleýeti zor, óz kúshine senimi berik», - dedi QR ulttyq paralımpıada komıtetiniń prezıdenti Qaırat Boranbaev.