Beıjiń-2022: Qazaqstandyq Zahar Kýchın Olımpıada oıyndaryn aıaqtady
NUR-SULTAN. QazAqparat – Beıjińdegi qysqy Olımpıada oıyndarynda taý shańǵysynan slalom boıynsha medaldar sarapqa salyndy, dep habarlaıdy QazAqparat tilshisi.
Atalǵan sport túrinen synǵa túsken qazaqstandyq shańǵyshy Zahar Kýchın birinshi múmkindiginde jarys qorytyndysy boıynsha máre syzyǵyn 1:03,68 kórsetkishimen 43-shi bolyp kesti. Ol alǵashqy irikteý synynda birinshi orynǵa ıe bolǵan avstrııalyq Iohannes Shtroltstan 9.76 mınýtqa keshigip keldi.
Ekinshi múmkindiginde Kýchın máre syzyǵyn 2:02,66 kórsetkishimen 36-shy bolyp kesip ótti. Bul Zahar Kýchınniń Beıjiń Olımpıadasyndaǵy sońǵy jarysy. Osylaısha jerlesimiz tórt jyldyq dodany júldesiz aıaqtady.
Taý shańǵysynan slalom boıynsha jarystyń jeńimpazdary men júldegerleri:
1- oryn - Klement Noel (Frantsııa) – 1:44,09
2- oryn - Iohannes Shtrolts (Avstrııa) – 1:44,70
3- oryn - Sebastıan Foss Sýlevog (Norvegııa) – 1:44,79
Foto: Salı Sabırov, Qazaqstan UOK
