Beıjiń-2022: Qazaqstandyq short-trekshi Tıhonova júldeden tys qaldy

NUR-SULTAN. QazAqparat – Beıjińdegi qysqy Olımpıada oıyndarynda búgin áıelder arasynda short-trekten 1500 metr qashyqtyqta júldeler sarapqa salynyp jatyr, dep habarlaıdy QazAqparat tilshisi.

Atalǵan qashyqtyqta Qazaqstan namysyn Olga Tıhonova qorǵaǵan bolatyn.

Ol muz aıdyda bes sportshymen birge úshinshi topta synǵa tústi. Nátıjesinde 2:23,48 ýaqyt kórsetkishimen tórtinshi bolyp márege jetti.

Alaıda, onyń jarys barysynda ereje buzǵany anyqtalyp jarystan shettetildi. Osylaısha ol Beıjińdegi Olımpıada oıyndaryn júldesiz aıaqtady.

Aıta ketelik, short-trekten Qazaqstan komandasynyń eń úzdik nátıjesin Abzal Ájiǵalıev tirkedi. Ol 500 metrge júgirýden A fınalynda synǵa túsip, tórtinshi oryn ıelendi.

Aıta keteıik, atalǵan Aq Olımpıadada oıyndarynda elimizdiń namysyn 8 sport túrinen 34 sportshy qorǵap jatyr.

Olar - qysqy sport oıyndarynyń ishinde sporttyń shańǵy jarysy, frıstaıl-mogýl, shańǵy akrobatıkasy, taý shańǵysy, shańǵymen sekirý, bıatlon jáne short-trek túrlerinen synǵa túsýde.

Beıjiń Olımpıadasy 20 aqpanda máresine jetedi.