Beıjiń-2022: Qazaqstandyq shańǵyshy máreni 43-shi bolyp kesip ótti

NUR-SULTAN. QazAqparat - Búgin Beıjiń Olımpıadasynda erler arasynda taý shańǵysynan jarystar bastaldy, dep habarlaıdy QazAqparat tilshisi.

Atalǵan synda el namysyn Zahar Kýchın qorǵady. Ol jarys qorytyndysy boıynsha máre syzyǵyn 1:03,68 kórsetkishimen 43-shi bolyp kesti. Qazaqstandyq atalǵan jarys túrinen birinshi orynǵa ıe bolǵan avstrııalyq Iohannes Shtroltstan 9.76 mınýtqa keshigip keldi.

Esterińizge sala keteıik, osyǵan deıin Kýchın taý shańǵysynan alyp slalom boıynsha birinshi kezeńde márege jete almaı jarys jolynan shyǵyp qalǵan bolatyn. Bul onyń Beıjiń Olımpıadasyndaǵy sońǵy jarysy.

Endi, ekinshi irikteý kezeńi Nur-Sultan ýaqytymen 11:45-te bastalady.

Aıta ketesek, atalǵan Aq Olımpıada oıyndarynda elimizdiń namysyn 8 sport túrinen 34 sportshy qorǵap jatyr. Beıjiń Olımpıadasy 20 aqpanda máresine jetedi.

Foto: Salı Sabırov, Qazaqstan UOK