Beıjiń-2022: Qazaqstandyq shańǵyshy Aleksandra Troıtskaıa márege jete almady

BEIJІŃ. QazAqparat – Beıjińde ótip jatqan qysqy Olımpııa oıyndarynda taý shańǵysynan áıelder arasyndaǵy báseke bastaldy, dep habarlaıdy QazAqparat tilshisi.

Atalǵan synda Qazaqstan namysyn áıelder arasynda Aleksandra Troıtskaıa qorǵady.

Ókinishke qaraı jerlesimiz slalomda márege jetpeı, jarysty aıaqtady.

Búgin Beıjińde ótip jatqan qysqy Olımpıadada qazaqstandyq atletter sporttyń 3 túrinen synǵa túsedi.

Atap aıtsaq, taý shańǵysy, shańǵy qossaıysy jáne short-trekten sportshylarymyzǵa jankúıer bolamyz.

Aıta keteıik, Beıjiń qalasyndaǵy 2022 jylǵy qysqy Olımpıadada sporttyń jeti túrinen 109 medal jıyntyǵy sarapqa salynady.

Aq Olımpıadada elimizdiń atynan 34 sportshy 85 joldama boıynsha synǵa túsip jatyr.

Foto: Salı Sabırov, Qazaqstan UOK