Beıjiń-2022: Qazaqstandyq paralımpıadashylar jarysty 5 naýryzda bastaıdy
NUR-SULTAN. QazAqparat – Beıjiń–2022 qysqy paralımpıada oıyndarynda el namysyn qorǵaıtyn parasportshylar jarystaryn 5 naýryzda bastaıdy, dep habarlaıdy QazAqparat tilshisi.
Beıjińde ótetin 2022 jylǵy Qysqy paralımpıada oıyndary resmı túrde 4 naýryzda bastalady. Atalǵan tórtjyldyq dodada el atynan Erbol Hamıtov, Aleksandr Gerlıts, Denıs Petrenko, ıÝrıı Berezın jáne Sergeı Ýsoltsev sporttyń eki túrinen synǵa túsedi.
El sportshylary alǵashqy jarystaryn 5 naýryz kúni bastaıdy. Naqtyraq aıtsaq, 5 naýryzda parabıatlonnan Sergeı Ýsoltsev pen Aleksandr Gerlıts birinshi bolyp jarys alańyna shyǵady. Sonymen qatar, parashańǵy jarysynan Erbol Hamıtov pen Denıs Petrenko jarystaryn jalǵastyrady.
Aıta keteıik, Beıjiń-2022 paralımpıadasynda kók týdy shańǵy sporty túrinen álem kýboginiń qola júldegeri, halyqaralyq dárejedegi sport sheberi Erbol Hamıtov ustap shyǵady.
Paralımpıada oıyndary 4 naýryzda bastalyp, 13 naýryzda máresine jetedi.
