Beıjiń-2022: Qazaqstandyq Nadejda Morozova júldeden tys qaldy

BEIJІŃ. QazAqparat – Beıjińdegi qysqy Olımpıada oıyndarynda áıelder arasynda konkımen 1 500 metr dıstantsııaǵa júgirýden jarystar ótýde, dep habarlaıdy QazAqparat tilshisi.

Atalǵan qashyqtyqty qazaqstandyq konkıshi Nadejda Morozova 1:56:85 ýaqytta júgirip ótti. Alaıda, bul kórsetkish ony júldegerler qatarynan kórýge azdyq etti.

1 500 metr qashyqtyqta el namysyn Morozovadan bólek, Ekaterına Aıdova da qorǵaǵan bolatyn. Ókinishke qaraı ekeýi de júldeli oryndardan tys qaldy.

Esterińizge sala keteıik, osyǵan deıin Morozova áıelder arasynda 3000 M qashyqtyqty 4:04.97 ýaqytta júgirip ótken edi. Nátıjesinde otandasymyz jarysqa shyqqan 30 sportshy arasynan 13-shi orynnan kórindi.