Beıjiń-2022: Qazaqstandyq konkıshiler júldeden tys qaldy

NUR-SULTAN. QazAqparat - Beıjiń qalasynda ótip jatqan Qysqy Olımpıada oıyndarynda konkımen júgirýden synǵa túsken qos atletimiz júldege ilige almady, dep habarlaıdy QazAqparat.

Búgin Beıjińdegi qysqy Olımpıada oıyndarynda konkımen júgirýden 1000 metr qashyqtyqta jarystar ótip jatyr.

Bul synǵa Dmıtrıı Morozov pen Denıs Kýzın qatysqan bolatyn. Ókinishke qaraı ekeýi de úzdikter qatarynan kórine almady.

Dmıtrıı Morozov atalǵan qashyqtyqty 1:09,61 ýaqyt kórsetkishimen baǵyndyrsa, Denıs Kýzın 1:10,07 ýaqytta júgirip ótti. Bul nátıjeler ekeýine de medal alý úshin jetkiliksiz boldy.

Aıta keteıik, atalǵan Aq Olımpıadada oıyndarynda elimizdiń namysyn 8 sport túrinen 34 sportshy qorǵap jatyr.

Olar - qysqy sport oıyndarynyń ishinde sporttyń shańǵy jarysy, frıstaıl-mogýl, shańǵy akrobatıkasy, taý shańǵysy, shańǵymen sekirý, bıatlon jáne short-trek túrlerinen synǵa túsýde.

Beıjiń Olımpıadasy 20 aqpanda aıaqtalady.