Beıjiń-2022: Qazaqstandyq frıstaılshylar olımpıadalyq trassada daıyndyqtan ótti

NUR-SULTAN. QazAqparat - Beıjińde ótetin XXIV qysqy Olımpıadada oıyndary aıasynda frıstaıl-mogýldan Qazaqstan komandasy olımpıadalyq trassany synaqtan ótkizdi, dep habarlaıdy QazAqparat.

QR Ulttyq olımpıadalyq komıteti habarlaǵandaı sportshylar olımpıadalyq trassany synaqtan ótkizip, 3 aqpan kúni bastalatyn básekege tas-túıin daıyndyq ústinde.

Frıstaıl-mogýldan Beıjiń Olımpıadasynda Qazaqstan atynan alty sportshy synǵa túsedi. Kvota FIS reıtıngisine saı úlestirildi. Olımpıadaǵa qatysý úshin sportshy top-30 qataryna enip, 80-nen asa upaı jınaý qajet.

Qazaqstan komandasynyń enshisinde alty joldama bar. Qysqy oıyndarda tórt áıel jáne eki er adam baq synaıdy.

Atap aıtar bolsaq, ıÝlııa Galysheva, Aıaýlym Ámirenova, Olesıa Graýr, Anastasııa Gorodko, Dmıtrıı Reıherd jáne Pavel Kolmakovqa jankúıer bolamyz.

Atalǵan sport túrinde 13 júlde jıyntyǵy sarapqa salynady. Frıstaılshylar dodasy 3-19 aqpan aralyǵyna josparlanǵan.

Beıjiń Olımpıadasyndaǵy frıstaıl-mogýldan jarys kestesi:

3 aqpan

Mogýl, áıelder. Birinshi irikteý

Mogýl, erler. Birinshi irikteý

5 aqpan

Mogýl, erler. Ekinshi irikteý, birinshi, ekinshi, úshinshi fınal

6 aqpan

Mogýl, áıelder. Ekinshi irikteý, birinshi, ekinshi, úshinshi fınal.

Foto: Qazaqstan UOK