Beıjiń-2022: HOK basshysy Tomas Bah qazaqstandyq atlettermen kezdesti

NUR-SULTAN. QazAqparat - Búgin Beıjińde ótip jatqan Olımpıadada oıyndary aıasynda Halyqaralyq Olımpıada komıtetiniń basshysy Tomas Bah qazaqstandyq olımpıadashylarmen kezdesti, dep habarlaıdy QazAqparat.

QR Ulttyq olımpıadalyq komıteti habarlaǵandaı Tomas Bah búgin Chjantszıakoý taýly olımpıadalyq aýylyna kelip, sportshylarmen, onyń ishinde frıstaıl-akrobatıkadan Qazaqstan quramasynyń jetekshisi Janbota Aldabergenovamen kezdesip, aldaǵy jarystaryna sáttilik tiledi.

Aıta keteıik, frıstaıl-akrobatıkadan 13 aqpanda áıelder arasynda irikteý syndary bastalady. Al fınal 14 aqpanǵa josparlanǵan.

Atalǵan sport túrinen elimizdiń namysyn áıelder arasynan Janbota Aldabergenova men Aqmarjan Qalmyrzaeva qorǵaıdy.

Al erler arasyndaǵy irikteý syndary 15-aqpanda bastalyp, fınaldyq básekeler 16 aqpanda ótedi. Frıstaıl-akrobatıkadan erler arasynda Qazaqstannan Sherzod Hashırbaev el namysyn qorǵaıdy.