Beıjiń-2022: Frıstaıldan qazaqstandyq atlet fnıalǵa óte almady
BEIJІŃ. QazAqparat - Qytaı astanasy Beıjiń qalasynda ótip jatqan Aq Olımpıada oıyndarynda búgin Frıstaıl-akrobatıkasynan erler arasyndaǵy irikteý syndary aıaqtaldy, dep habarlaıdy QazAqparat tilshisi.
Ókinishke qaraı, atalǵan dodada el namysyn qorǵaǵan 18 jastaǵy otandasymyz Sherzod Hashırbaev ekinshi irikeý saıysynda jarystyń fınaldyq kezeńine óte almady. Ol ekinshi múmkindiginde tramplınnen sekirip, qaıta jerge túsý sátinde tepe-teńdigin saqtaı almaı qulap qaldy. Nátıjesinde tóreshiler 69,23 ǵana upaı berdi. Osylaısha ol fınalǵa óte almady.
Esterińizge sala keteıik, Hashırbaev birinshi irikteý kezeńinde 109,74 upaı ekinshi irikteý kezeńine joldama alǵan bolatyn.
Frıstaıldiń akrobatıka túrinen fınal erteń, 16 aqpanda qazaqstandyqtardyń qatysýynsyz ótedi.
Aıta keteıik, atalǵan Aq Olımpıada oıyndarynda elimizdiń namysyn 8 sport túrinen 34 sportshy qorǵap jatyr.
Beıjiń Olımpıadasy 20 aqpanda máresine jetedi.
