Beıjiń-2022: Frıstaıl-mogýldan irikteýde qazaqstandyqtar úzdik ondyqqa kire almady

NUR-SULTAN. QazAqparat - Búgin Beıjińdegi Olımpıada oıyndarynda frıstaıl-mogýldan áıelder arasyndaǵy alǵashqy irikteý syndary ótti, dep habarlaıdy QazAqparat.

Týrnır erejesine sáıkes, irikteýde alǵashqy ondyqqa engen sportshylar fınalǵa joldama alady. Qalǵan qatysýshylar ekinshi irikteý kezeńinde baq synaıdy.

Búgingi frıstaıl-mogýldan áıelder arasynda alǵashqy synda jarysqa qatysqan otandastarymyzdan Olesıa Graýr (57.18 upaı) - 23-oryndy ıelense, Aıaýlym Ámirenova (66.82 upaı) - 16-orynǵa jaıǵasty. Al Anastasııa Gorodko jarysty sońyna deıin aıaqtaı alǵan joq.

Ókinishke qaraı ulttyq quramanyń kóshbasshysy, 2018 jylǵy qysqy Olımpıadanyń qola júldegeri ıÝlııa Galysheva Beıjińde ótip jatqan qysqy Olımpıadada mogýldan jarysqa shyqpaı qaldy.

Endi, qazaqstandyq sportshylar irikteýdiń ekinshi aınalymynda synǵa túsedi. Ekinshi kezeń 6 aqpanǵa josparlanǵan.

Atalǵan sport túrinde 13 júlde jıyntyǵy sarapqa salynady.

Oıyndardy «Qazaqstan», «Qazsport», «Habar» jáne «El arna» telearnalarynan tikeleı efırden kórýge bolady.