Beıjiń-2022: Ekaterına Aıdova 1500 metr qashyqtyqta synǵa tústi

NUR-SULTAN. QazAqparat – Búgin Beıjińdegi XXIV qysqy Olımpıada oıyndarynda konkıshilerdiń kezekti jarystary bastaldy, dep habarlaıdy QazAqparat.

Búgin konkımen júgirýden 1500 metr qashyqtyqta áıelder arasyndaǵy básekeler ótip jatyr.

Atalǵan sport túrinen Ekaterına Aıdova, Nadejda Morozova el namysyn qorǵaıdy.

Qazaqstan atynan synǵa túsken Ekaterına Aıdova atalǵan qashyqtyqty 1:59.01 sekýndta júgirip ótip, ázirge altynshy orynda keledi.

Al Nadejda Morozova áli jarys jolyna shyqqan joq.

Sondaı-aq 13 aqpanda Aıdova 500 metr qashyqtyqta, al 17-si kúni 1000 metr qashyqtyqta óner kórsetedi.

Esterińizge sala keteıik, Ekaterına Aıdova 2022 jyly Beıjiń Olımpıadasynyń ashylý saltanatynda Qazaqstan Týyn ustap shyqty .