Beıjiń-2022: «Bir kúnde 3 altyn» alǵan Norvegııa jeke dara kósh bastady
BEIJІŃ. QazAqparat - Qytaı astanasy Beıjińde ótip jatqan Aq Olımpıada oıyndarynda búgin Norvegııa quramasy bir kúnde 3 altyn medal jeńip alyp, jeke dara kósh bastady, dep habarlaıdy QazAqparat tilshisi.
Búgin jalpy medaldar kestesinde ózgerister kóp boldy. Norvegııa quramasy bir kúnde úsh altyn, eki kúmiske qol jetkizip, júlde qoryn baıyta tústi. Olardyń enshisinde qazir 12 altyn, 7 kúmis, 7 qola (26) bar.
Ekinshi orynda turǵan Germanııa quramasy da búgin qorjynyn taǵy bir altynmen tolyqtyrdy. Olardyń enshisinde 9 altyn, 6 kúmis, 3 qola (18) medal bar. Al úzdik úshinshi oryndy 7 altyn, 6 kúmis, 4 qola (17) medalmen AQSh quramasy túıindep tur. Búgin olardyń qorjyny tek bir qola medalmen tolyqty.
Medal kórsetkishimen úzdik ondyqta turǵan elder:
1. Norvegııa - 12 altyn, 7 kúmis, 7 qola
2. Germanııa - 9 altyn, 6 kúmis, 3 qola
3. AQSh - 7 altyn, 6 kúmis, 4 qola
4. Avstrııa - 6 altyn, 6 kúmis, 4 qola
5. Nıderland - 6 altyn, 4 kúmis, 3 qola
6. Qytaı - 6 altyn, 4 kúmis, 2 qola
7. Shvetsııa - 5 altyn, 3 kúmis, 3 qola
8. Shveıtsarııa - 5 altyn, 0 kúmis, 5 qola
9. Reseı - 4 altyn, 7 kúmis, 9 qola
10. Frantsııa - 3 altyn, 7 kúmis, 2 qola
Aıta keteıik, dál búginge deıin Olımpıada medaline qol jetkizgen elder qatary 26-ǵa jetti. Onyń ishinde 21 memlekettiń qorjynynda altyn medal bolsa, 23 memlekette kúmis júlde bar. Sondaı-aq, Belgııa, Latvııa Polsha jáne Estonııa elderiniń qorjyndarynda bir-bir qola medaldan bar.
Ókinishke qaraı, Qazaqstan qorjyny ázirge bos.
