Beıjiń-2022: Beıjińde taǵy bir sportshy dopıng kúdigine ilindi

NUR-SULTAN. QazAqparat - Beıjiń qalasynda ótip jatqan Qysqy Olımpıada oıyndarynda taǵy bir sporshydan dopıng belgisi anyqtaldy, dep habarlaıdy QazAqparat.

Halyqaralyq testileý agenttiginiń (ITA) málimetterine súıensek, Beıjiń Olımpıadasynda ýkraınalyq bobsleıshi Lıdııa Gýnkonyń test qoytyndysy oń nátıje kórsetken.

Gýnkonyń dopıng testinen dıgıdrotestosteron (testosteronnyń belsendirek túri) tabylǵan. Test 14 aqpanda alynǵan. Nátıjesi 17 aqpanda belgili bolǵan. Osylaısha, sportshy jarystardan shetteldi.

Bul ýkraınalyq sportshylar arasynan dopıng belgileri tabylǵan ekinshi sportshy. Osyǵan deıin shańǵymen júgirýden ýkraınalyq Valentına Kamınskaıa da Beıjiń-2022 Qysqy oıyndarynan ýaqytsha shettetilgen bolatyn. Onda shańǵyshynyń aǵzasynan mesterolon men geptamınol tabylǵan.

Bul oraıda aıta keteıik, osyǵan deıin reseılik mánerlep syrǵanaýshy Kamıla Valıevanyń da basy daýǵa qalǵan bolatyn. Alaıda oǵan jekeleı synda óner kórsetýge jarysqa bir kún qalǵanda ruqsat berdi. Valıeva komandalyq jarystan keıin dopıng daýyna ilikken edi.

Esterińizge sala keteıik, osyǵan deıin ırandyq taý shańǵyshy Hýsseın Saveh-Shemshakıdiń testi oń nátıje kórsetkenin jazǵan bolatynbyz. 0.