Beıjiń-2022: AQSh Olımpıadaǵa qatysatyn sportshylar sany jaǵynan kósh basynda tur
Odan keıingi orynda Reseı men Kanada bar. Reseıden - 212, Kanadan - 211 sportshy jarys jolyna shyǵady.
Sondaı-aq, Qytaıdan 171 sportshy qatysady, odan keıingi oryndardaǵy Shveıtsarııadan - 168, Germanııadan - 148, Japonııadan - 122, Shvetsııadan -116, Chehııadan - 114, Italııadan - 112, Avstrııadan - 108, Fınlıandııadan - 96, Frantsııadan - 85, Norvegııadan - 52, Ulybrıtanııadan - 50, Ýkraınadan - 45, Avstralııadan - 44, Qazaqstannan - 34, Ońtústik Koreıadan - 38, Belarýsten 28 sańlaq el namysyn qorǵaıdy.
Jalpy, atalǵan dúbirli dodaǵa 90-nan astam elden sportshylar keledi dep kútilýde. Olardyń jalpy sany 4000-ǵa jýyq.
Qazaqstan Qysqy Olımpıadaǵa 1994 jyldan bastap táýelsiz memleket retinde qatysyp keledi. Sol jyly Lıllehammerde (Norvegııa) 29 sportshymyz saıysqa tústi. Al 1998 jyly Naganoda (Japonııa) 60, 2002 jyly Solt-Leık-Sıtıde (AQSh) - 50, 2006 jyly Týrınde (Italııa) - 56, 2010 jyly Vankýverde (Kanada) - 39, 2014 jyly Sochıde (Reseı) - 52, 2018 Phenchhanda (Ońtústik Koreıa) - 46 sportshy dúbirli dodaǵa qatysty.
Búgingi kúnge deıin qazaqstandyq sportshylar 1 altyn, 3 kúmis, 4 qola medal aldy.
Eske salsaq, budan buryn 2022 jylǵy Qysqy Olımpıadaǵa qaı elderden sportshylar keletini jóninde habarlaǵan edik.