Beıjiń 2016 jyly aýanyń lastanýymen kúresýge $2,5 mlrd bóledi
ASTANA. QazAqparat - Beıjiń 2016 jyly aýanyń lastanýymen kúresýge 16,5 mlrd ıýan (2,57 mlrd dollar) bóledi, dep habarlaıdy Sınhýa agenttigi.
Bul qarjy aýany kóp mólsherde lastaıtyn eskirgen 200 myńnan astam kólikti joıýǵa baǵyttalady. Sondaı-aq qala bıligi jylytý úshin kómirdi paıdalanýdy barynsha azaıtýǵa nıetti jáne ekologııalyq zalaly az energııa kózderine kóshýdi yntalandyrmaq.
Byltyr jeltoqsan aıynda Beıjiń tarıhynda qala bıligi tútin basý saldarynan ekinshi ret qaterdiń eń joǵary deńgeıi - qyzyl deńgeıin jarııalaǵan bolatyn.
