Beıjiń 200 myń kólikti joldan alyp tastaıdy
BEIJІŃ. QazAqparat - Beıjiń 2016 jyly ekologııalyq jaǵdaıdy jaqsartý boıynsha sharalar aıasynda 200 myń kólikke qala jolynda júrýge tyıym salady. Bul týraly Beıjiń qorshaǵan ortany qorǵaý mýnıtsıpaldyq bıýrosy bastyǵynyń orynbasary Fan Lı málimdedi.
Onyń aıtýynsha, bılik dızelmen júretin kólikterdi jáne qurylys qoqysyn tasıtyn avtomobılderdi basty nazarǵa alady.
Budan basqa, bılik qalanyń shyǵys jáne batys aýdandarynda kómir tasymaldaý, satý men tutynýǵa tyıymdy qatańdatýdy josparlaýda. Beıjińge jaqyn ornalasqan 400 eldi meken gazǵa kóshirildi.
Beıjiń jáne oǵan jaqyn eldi mekender aýa sapasyn jaqsartý, kósheniń shańdanýynyń aldyn alý maqsatynda 2020 jylǵa deıin kómir paıdalanýdy toqtatatyn bolady.
Budan buryn habarlanǵandaı, Beıjiń bıligi 2016 jyly aýadaǵy PM 2.5 zııandy zattar shoǵyryn 5 paıyzǵa tómendetýdi, aýa sapasyn baqylaıtyn stansalar sanyn 35-ten 60-70-ke kóbeıtýdi josparlaýda. Qytaılyq astana bıligi osy jyly qorshaǵan ortanyń lastanýymen kúreske 16,5 mıllıard ıýan (2,5 mlrd dollar) jumsamaqshy.
