Beıtaraptyq álsizdik emes: Qaırat Sarybaı Qazaqstan dıplomatııasynyń ereksheligi týraly
ASTANA. KAZINFORM – Kazinform agenttiginiń BIZDIÑ ORTA podkastynda Azııadaǵy ózara is-qımyl jáne senim sharalary jónindegi keńestiń (Azııa keńesi) Bas hatshysy Qaırat Sarybaı álemdik saıasat pen Qazaqstan dıplomatııasynyń róli týraly áńgimeledi.
Onyń aıtýynsha, halyqaralyq qatynastar teorııasynda beıtaraptyq qandaı da bir áskerı nemese saıası bloktarǵa qosylmaýdy bildiredi jáne onyń mysaldary da az emes. Uzaq ýaqyt boıy Shvetsııa men Fınlıandııa beıtarap saıasat ustandy, keıin bul mártebesin joǵaltty. Ortalyq Azııada Túrikmenstan, Eýropada – Aýstrııa men Shveıtsarııa beıtaraptyq saıasat júrgizip keledi. Alaıda ár eldiń bul mártebege kelý joly ártúrli.
– Aýstrııanyń beıtaraptyǵy – Ekinshi dúnıejúzilik soǵystan keıin syrtqy kúshterdiń áserinen bolǵan májbúrli sheshim. Túrikmenstannyń beıtaraptyǵy ózderiniń ishki sheshiminen týyndady. Al Qazaqstan ózin beıtarap memleket retinde sıpattamaıdy. Biz belsendi ári beıbitsúıgish memleketpiz. Osy qasıetterimizdiń arqasynda elimiz halyqaralyq dıalog alańy retinde tanyldy. Tájikstandaǵy ishki saıası daǵdarys kezinde taraptardy kelissóz ústeline otyrǵyzý Qazaqstannyń qolynan keldi. Sebebi eki jaq ta Qazaqstan basshylyǵyna senim artty, – dedi AÓSShK Bas hatshysy.
Spıker Irannyń ıadrolyq baǵdarlamasyna qatysty halyqaralyq Almaty-1, Almaty-2 kelissózderiniń Almatyda ótýi de Qazaqstanǵa degen senimniń nátıjesi ekenin atap ótti.
– Sebebi ıadrolyq qarýsyzdaný máselesinde Qazaqstanǵa senim mol, elimiz eshqandaı qosqatparly saıasat júrgizbeıtinin bári biledi. Oǵan qosa Qazaqstannyń ózi ıadrolyq qarýynan bas tartqan edi. Osynyń nátıjesinde elimizge halyqaralyq qaýipsizdik kepildigi berildi. Bul óz kezeginde sheteldik ınvestorlardyń senimin kúsheıtip, el ekonomıkasyna ınvestıtsııa tartýǵa yqpal etti. ıAǵnı dıplomatııa ekonomıkalyq múddelerimizdi qorǵaýǵa da qyzmet etip keledi, – dedi Qaırat Sarybaı.
Bas hatshynyń aıtýynsha, halyqaralyq quqyq pen ortaq erejeler bolmasa, halyqaralyq qatynastar júıesi turaqsyzdyq pen haosqa ushyrar edi. Sondyqtan halyqaralyq quqyq qaǵıdattaryn ustaný jáne beıtarap bolý – ádette orta derjavalarǵa tán.
– Qazaqstan búginde orta derjava retinde álemge áıgili, senimdi. Sondyqtan da talaı halyqaralyq qıyn máseleler Qazaqstan jerinde sheshiledi. Óıtkeni elimizdiń abyroıy bar, atqarǵan qyzmetteri bar, bizdiń elimizge tolyq senim bar. Menińshe bul elimizdiń álsizdigin emes, kerisinshe halyqaralyq arenadaǵy myqty ustanymy men salmaqty ornyn kórsetip otyr, – dep túıindedi Q. Sarybaı.
Buǵan deıin Kazinform Reseı Prezıdenti Vladımır Pýtınniń Qazaqstanǵa memlekettik sapary týraly sholý usynǵan edi.
