«Beıtanys Qazaqstan» avtojarysynyń qatysýshylary Baıqońyrǵa keldi

BAIQOŃYR. QazAqparat - «Reseı sporttyq múgedekter odaǵy» qoǵamdyq uıymy, Halyqaralyq sport týrızmi federatsııasy jáne Qazaqstan Respýblıkasy Ulttyq sporttyq týrızmi federatsııasynyń qoldaýymen múmkindigi shekteýli jandar «Beıtanys Qazaqstan» avtojarysyna qatysýda.

24 adamnan quralǵan top (basym bóligi múgedekter),     sondaı-aq balalar,  egde adamdar men eriktiler  marshrýtqa sáıkes Baıqońyr qalasyna keldi.

Jeti myń shaqyrymdy quraıtyn avtojarys 30 shildede Ýfa qalasynan shyqqan. Marshrýt Arqaıym, Qostanaı, Astana, Balqash, Almaty, Jarkent, Taraz, Túrkistan, Baıqońyr, Aqtóbe, Orynbor qalalary, sondaı-aq Sharyn shatqaly, Altynemel arqyly ótedi.

 «Beıtanys Qazaqstan»  avtojarysynyń basshysy Alfır Ahmetshın bastapqyda avtomarafon RF-da, Qazaqstanda turatyn múgedekter úshin josparlanǵanyn aıtty, alaıda Qazaqstan boıynsha saıahattyń qalyptasqan mán-jaılaryna baılanysty eki qala - Ýfa men Ýlıanovskiniń týrısteri de qatysty. Olardyń kópshiligi Ýfadan, bul  Bashqurtstan astanasy Reseı múgedekter týrızminiń jetekshi ortalyqtarynyń biri bolýyna da baılanysty.

Baıqońyr ákimshiliginiń járdemdesýimen avtojarys qatysýshylary qalany aralap,  ǵarysh aılaǵynyń kórikti jerlerinde boldy.

Olar jarysty   22 tamyzda   Ýfa qalasynda  aıaqtaıdy.