Beıtanys áıeldiń hıdjabyn sheshpek bolǵan azamat bostandyǵynan aıyryldy
ASTANA. QazAqparat - Chıkagodan (Illınoıs shtaty) Albýkerkke (Nıý-Meksıko shtaty) bet alǵan ushaqta Soltústik Karolına turǵyny Gıll Parker Peın beıtanys áıeldiń basynan hıdjabty kúshtep sheshpek bolǵany úshin 1000 dollar somasynda aıyppul tóledi.
AQSh soty sondaı-aq ony bir jylǵa shartty túrde bas bostandyǵynan aıyrdy, onyń eki aıyn úı qamaýynda ótkizedi, dep habarlaıdy QazAqparat Albuquerque Journal saıtyna silteme jasap.
Oqıǵa 2015 jylǵy jeltoqsanda Southwest Airlines avıakompanııasynyń reısinde bolǵan. Musylman áıel qyzyna toı kóılegin tańdaýǵa kómektesý úshin Ogaıoǵa saparynan keıin Albýkerkke qaıtyp bara jatqan.
«Ol meniń janymda turdy, oǵan qarap edim, ol maǵan joǵarydan tómen qarap tur eken. Bir kezde oramalymdy, hıdjabymdy tartyp: «mynany shesh dedi», - deıdi Havla Abdel-Hak.
Musylman áıel hıdjabyn qaıta oranyp, jetken bette polıtsııaǵa shaǵymdanǵan.
