Beıt-Shemeshke jasalǵan zymyran soqqysynan toǵyz adam qaza tapty
ASTANA. KAZINFORM — Izraıldiń batysyndaǵy, Ierýsalımge jaqyn ornalasqan Beıt-Shemesh qalasyna jasalǵan zymyran soqqysy saldarynan toǵyz adam kóz jumdy. Bul týraly Kazinform agenttiginiń menshikti tilshisi habarlady.
Jeksenbi kúni Iran aýmaǵynan ushyrylǵan ballıstıkalyq zymyran Izraıldiń ortalyq bóligindegi Beıt-Shemesh qalasynyń turǵyn aýdanyn nysanaǵa alǵan. Soqqy saldarynan toǵyz adam qaza taýyp, taǵy 28 adam jaraqat aldy, olardyń ekeýiniń jaǵdaıy aýyr. Bul týraly Izraıldiń jedel qyzmetteri málimdedi.
Zymyran sınagogany qıratyp, qoǵamdyq bombapana men mańaıdaǵy turǵyn úılerge aıtarlyqtaı zaqym keltirgen. Ierýsalım okrýginiń polıtsııa bastyǵy Avshalom Peledtiń aıtýynsha, qaza tapqandardyń basym bóligi dál sol qoǵamdyq orynda bolǵan.
— Bálkim, bombapanaǵa tikeleı soqqy jasalǵan. Qaza tapqandardyń kópshiligi, múmkin barlyǵy da, onyń ishinde bolǵan, — dedi ol oqıǵa ornynda.
Footage shows the aftermath of the Iranian ballistic missile impact in Beit Shemesh which killed at least six and wounded over 20.
— Emanuel (Mannie) Fabian (@manniefabian) March 1, 2026
The video shows that the missile caused extensive damage to a bomb shelter.
The Home Front Command is set to investigate the circumstances of the… pic.twitter.com/bVj7QIvodO
Izraıldiń jedel medıtsınalyq kómek qyzmeti Magen David Adom dárigerleri oqıǵa ornynda ólim faktilerin tirkep, zardap shekkenderdi aýrýhanalarǵa jetkizgenin habarlady. Aýrýhanaǵa jatqyzylǵandardyń arasynda jaǵdaıy ortasha aýyrlyqtaǵy tórt jasar bala da bar.
— מגן דוד אדום (@mda_israel) March 1, 2026
Izraıl Qorǵanys armııasy zymyrannyń áýe shabýylyna qarsy qorǵanys júıesi arqyly nege tosqaýyl qoıylmaǵanyn anyqtaý úshin tekserý júrgizip jatqanyn málimdedi. Áskerı derekterge sáıkes, Tyl qolbasshylyǵynyń erte eskertý júıesi der kezinde iske qosylǵan.
Beıt-Shemesh qalasynyń meri Shmýel Grınberg 20 turǵynmen ázirge baılanys ornatylmaǵanyn aıtty, alaıda bul olardyń qaza tapqanyn bildirmeıtinin atap ótti.
Buǵan deıin Irannyń Islam revolıýtsııasy saqshylar korpýsy jańa «aýqymdy» shabýyl tolqyndarynyń bastalǵanyn málimdegen, biraq naqty nysanalardy ataǵan joq.
Eske sala keteıik, buǵan deıin Karachıde AQSh konsýldyǵyn basyp alýǵa áreket jasaý kezinde segiz adamnyń qaza tapqany habarlanǵan bolatyn.