Beısenbige arnalǵan aýa raıy
NUR-SULTAN. QazAqparat – Báısenbi elimizdiń basym bóliginde aýa raıy ashyq bolady, tek keı óńirlerde elimizde jel kúsheıip, burshaq jaýýy múmkin, dep habarlaıdy QazAqparat Qazgıdrometke silteme jasap.
Elimizdiń basym bóliginde antıtsıklonnyń áserinen aýa raıy jaýyn-shashynsyz bolady. Atmosferalyq frontaldy bólikterdiń áserinen ońtústik-shyǵysta taýly aýdandarda, batysta, shyǵysta jáne ortalyqta naızaǵaıly jańbyr jaýyp, kúndiz batysta nóser jaýady. Elimizde jel kúsheıip, ońtústik-batysta shańdy daýyl, batysta daýyl soǵady, ońtústik-shyǵysta, batysta burshaq, soltústik pen ortalyqta tuman túsýi múmkin.
Kúndiz Atyraý oblysynyń batysynda naızaǵaı, burshaq, daýyl soǵýy múmkin, jel naızaǵaı kezinde 15-20 m/s kúsheıedi.
Batys Qazaqstan oblysynyń batysynda naızaǵaı, burshaq, naızaǵaı kezinde jel 15-20 m/s kúsheıedi.
Soltústik Qazaqstan oblysynda túnde jáne tańerteń tuman túsedi, kúndiz batysta, soltústik-batysta jel 15-20 m/s kúsheıedi.
Qaraǵandy oblysynyń ońtústik-shyǵysynda naızaǵaı kútiledi, jel 15-20 m/s kúsheıedi, túnde jáne tańerteń soltústikte, ortalyǵynda tuman kútiledi.
Shyǵys Qazaqstan oblysynda túnde shyǵysta naızaǵaı jarqyldaıdy, jel 15-20 m/s kúsheıedi.
Almaty, Jambyl oblystarynda taýly aýdandarda naızaǵaı oınap, burshaq jaýýy múmkin, jel 15-20 m/s kúsheıedi.
Túrkistan oblysynyń taýly aýdandarynda, kúndiz Aqtóbe oblysynyń batysynda, Qostanaı oblysynyń ońtústik-shyǵysynda jel 15-20 m/s kúsheıedi. Kúndiz Mańǵystaý oblysynyń soltústik-shyǵysynda jel 15-20 m/s kúsheıip, shańdy daýyl soǵady.
Aqmola, Shyǵys Qazaqstan oblystarynyń soltústiginde, Soltústik Qazaqstan oblysynyń soltústik-shyǵysynda, Pavlodar oblysynyń batysynda, soltústiginde jáne shyǵysynda, Qaraǵandy oblysynyń soltústiginde jáne shyǵysynda topyraq betinde 2 gradýs úsik júredi.
Mańǵystaý, Atyraý, Batys Qazaqstan, Aqtóbe, Túrkistan, Qyzylorda oblystarynda, Jambyl, Qostanaı, Almaty oblystarynyń basym bóliginde, Qaraǵandy oblysynyń batysynda, ońtústik-batysynda, Shyǵys Qazaqstan oblysynyń ońtústiginde, Aqmola oblysynyń batysynda, soltústik-batysynda tótenshe órt qaýpi saqtalady.
