Beısenbide kún ashyq bolady - Qazgıdromet
NUR-SULTAN. QazAqparat - Sınoptıkter 3 qazan kúni aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstannyń basym bóliginde jaýyn-shashynsyz aýa raıy kútiledi. Atmosferalyq fronttardyń áserinen batysta jańbyr jaýady. Keı jerlerde respýblıka boıynsha tuman túsip, jel 15-20 m/s deıin kúsheıedi.
Jambyl, Qostanaı oblystarynyń keı jerlerine tuman túsedi, kúndiz jel ekpini 15-20 m/s jetedi.
Túrkistan, Qyzylorda, Qostanaı, Soltústik Qazaqstan oblystarynyń keı jerlerinde kúshti jel soǵyp, kúshi 15-20 m/s bolady.
Atyraý, Pavlodar, Qaraǵandy, Shyǵys Qazaqstan oblystarynyń keı jerlerine tuman túsedi.
Qyzylorda oblysynyń keı jerlerinde túnde topyraq betinde 1-3 gradýs úsik júredi.
Túrkistan oblysynyń basym bóliginde, Qyzylorda oblysynyń shyǵys bóliginde, Jambyl oblysynyń soltústik-batys bóliginde, Qaraǵandy oblysynyń batys jáne ońtústik bóliginde, Batys Qazaqstan oblysynyń ontústiginde, Shyǵys Qazaqstan oblysynyń soltústik bóliginde óte joǵary órt qaýpi saqtalady.
