Beısenbide Qazaqstannyń soltústiginde, shyǵysynda jáne ortalyǵynda jańbyrly bolady
ASTANA. QazAqparat - Qazaqstannyń soltústik, ortalyq jáne shyǵys aımaqtarynda atmosferalyq aǵyndardyń ótýine baılanysty turaqsyz aýa raıy saqtalady, naızaǵaı oınap, jańbyr jaýyp, jel kúsheıedi, burshaq jaýýy yqtımal, dep habarlady «Qazgıdromet» RMK.
Aqmola, Qostanaı, Pavlodar, kúndiz Jambyl, Ońtústik Qazaqstan oblystarynyń keı jerlerinde jel 15-20 m/s-qa deıin kúsheıedi.
Mańǵystaý, Soltústik Qazaqstan oblystarynda túnde jáne tańerteń keı jerlerde tuman túsedi, Soltústik Qazaqstan oblysynyń keı jerlerinde jel 15-20 m/s-qa deıin kúsheıedi. Shyǵys Qazaqstan oblysynyń keı jerlerinde jeldiń ekpini 15-20 m/s-qa jetedi, burshaq jaýýy múmkin.
Atyraý, Batys Qazaqstan, Qyzylorda, Ońtústik Qazaqstan, Jambyl, Almaty oblystarynda óte joǵary órt qaýpi saqtalady.
