Beısenbide Qazaqstannyń basym óńirinde - qar, burqasyn, uıytqyma jel, tuman men kóktaıǵaq kútilýde
TANA. 24 qarasha. QazAqparat - «Qazgıdromettiń» boljaýynsha, beısenbi kúni Qazaqstannyń basym aýmaǵy atmosferalyq aǵyy bólikteriniń yqpalynda bolady.
Onymen jekelegen jerlerde qar, burqasyn, uıytqyma jel, tuman men kóktaıǵaq kútilýde. Al eldiń batys jáne soltústik óńirleriniń aýa raıyna antıtsıklon áser etetin bolady.
Atap aıtqanda, Aqmola, Pavlodar, Shyǵys Qazaqstan, Qyzylorda, túnde Aqtóbe oblystarynyń keı aýmaqtarynda burqasyndatyp, 15-20 m/s jyldamdyqpen jel soǵady.
Qostanaı oblysynda túnde jáne kúndiz tuman kútilýde.
Almaty, Jambyl, Atyraý oblystarynda tuman men kóktaıǵaq, Atyraý oblysynyń keı óńirlerinde 15-20 m/s ekpindegi jel boljanýda.
Ońtústik Qazaqstan oblysyn tuman basady, sekýndyna 15-20 metr jyldamdyqpen jel soǵady.
Mańǵystaý oblysynyń keı aýmaqtarynda kóktaıǵaq bolady, kúndiz jeldiń ekpini 15-20 m/s-qa deıin kúsheıedi.
