Beısenbide Qazaqstannyń basym bóliginde jaýyn jaýady
ASTANA. QazAqparat - 10 mamyrda atmosferalyq aǵyndardyń ótýine baılanysty Qazaqstannyń basym bóliginde jańbyr jaýady, tek ońtústikte, ońtústik-shyǵysta, soltústik-shyǵysta jáne ortada jaýyn-shashynsyz aýa raıy kútiledi, dep habarlaıdy Qazgıdromet.
Beısenbide elimizdiń keı jerlerinde jeldiń kúsheıýi, tuman, naızaǵaı, shańdy daýyl kútiledi, batysta burshaq jaýýy yqtımal.
Aqmola, Qostanaı, Soltústik Qazaqstan blystarynyń keı jerlerinde naızaǵaı, tuman, jeldiń kúsheıýi 15-20 m/s kútiledi.
Qaraǵandy, túnde Shyǵys Qazaqstan oblystarynyń keı jerlerinde tuman kútiledi, Shyǵys Qazaqstan oblysynyń túnde keı jerlerinde jel jyldamdyǵy 15-20 m/s kúsheıedi.
Mańǵystaý, Atyraý, Batys Qazaqstan oblystarynyń keı jerlerinde burshaq bolýy múmkin.
Qyzylorda, kúndiz Aqtobe oblystarynyń keı jerlerinde jel 15-20 m/s kúsheıýi kútiledi, Qyzylorda oblysynyń keı jerlerinde shańdy daýyl soǵady.
Almaty oblysynyń jekelegen aýdanynda jel kúsheıip, jyldamdyǵy 15-23 m/s bolady.
