Beısenbide Qazaqstannyń basym bóliginde kún raıynyń ashyq bolýy kútiledi
ASTANA. QazAqparat - 28 tamyzda Qazaqstannyń basym bóliginde kún ashyq bolady, soltústik, soltústik-batys jaqta ǵana atmosferalyq aǵyndardyń ótýimen aýa raıynyń turaqsyz sıpaty saqtalady, keı jerlerde kún kúrkirep, ótkinshi jańbyr jaýady, jel kúsheıedi, keıbir aýdandarda tuman túsýi kútiledi, dep habarlady «Qazgıdromet» RMK.
Batys Qazaqstan, Jambyl, Ońtústik Qazaqstan oblystarynda jeldiń 15-20 m/s-qa deıin kúsheıýi kútiledi. Aqmola, Soltústik Qazaqstan, Qostanaı, Mańǵystaý oblystarynda túnde jáne tańerteń tuman túsedi, kúndiz jeldiń ekpini 15-20 m/s-qa deıin kúsheıedi. Shyǵys Qazaqstan oblysynda keı jerlerde jel 15-20 m/s-qa deıin kúsheıip, túnde jáne tańerteń tuman túsedi. Aqtóbe oblysynda túnde kún kúrkireıdi. Qaraǵandy oblysynda túnde jáne tańerteń tuman túsedi. Kúndiz Atyraý oblysynda, Batys Qazaqstan, Aqtóbe, Mańǵystaý oblystarynyń keı jerlerinde kúshti ystyq bolady.
