Beısenbide Qazaqstannyń basym bóliginde qar jaýyp, burqasyn kóteriledi, kóktaıǵaq bolady
ASTANA. QazAqparat - Beısenbi kúni Qazaqstannyń basym bóliginde qar jaýyp, burqasyn kóteriledi, tuman túsedi, kóktaıǵaq bolady jáne jel kúsheıedi, respýblıkanyń batysynda ǵana kún raıy ashyq bolady, dep habarlady Qazgıdromet» RMK.
Aqmola, Pavlodar, Shyǵys Qazaqstan oblystarynda keı jerlerde burqasyndatyp, jeldiń kúshi 15-20 m/s-qa jetedi.
Jambyl oblysynda keı jerlerde tuman túsip, kóktaıǵaq bolady, kúndiz jel 15-20 m/s-qa deıin kúsheıedi.
Qyzylorda, Mańǵystaý, Atyraý, kúndiz Ońtústik Qazaqstan oblystarynda keı jerlerde tuman túsedi, kóktaıǵaq bolady.
Soltústik Qazaqstan oblysynda burqasyndatyp, túnde jeldiń ekpini keı jerlerde 15-20 m/s-qa jetedi.
Qostanaı oblysynda túnde keı jerlerde tuman túsedi, tańerteń jáne kúndiz keı jerlerde burqasyndy bolyp, jeldiń kúshi 15-20 m/s-qa deıin jetedi.
Qaraǵandy oblysynda keı jerlerde burqasyn kóterilip, tuman túsedi, jeldiń kúshi 15-20 m/s.
