Beısenbide Qazaqstannyń basym bóligi antıtsıklon yqpalynda bolady
ASTANA. QazAqparat - 1 aqpanda Qazaqstan aýmaǵynyń basym bóligi antıtsıklon yqpalynda bolady, sondyqtan jaýyn-shashynsyz aýa raıy saqtalady. Elimizdiń batys aımaqtaryna frontaldy bólikter jyljıdy, keı jerlerinde qar, jaıaý burqasyn, kóktaıǵaq kútiledi, dep habarlaıdy Qazgıdromet.
Almaty oblysynyń Jalańashkól aýdanynda jeldiń jyldamdyǵy 24-29 m/s-ge jetedi.
Jambyl oblysynyń keı jerlerinde tuman, jeldiń kúsheıýi 15-20, ekpini 23 m/s bolady.
Qyzylorda, Mańǵystaý oblystarynyń keı jerlerinde tuman saqtalady, Mańǵystaý oblysynda kóktaıǵaq kútiledi.
Batys Qazaqstan, Aqtóbe, kúndiz Qostanaı oblystarynyń keı jerlerinde jaıaý burqasyn, Aqtóbe oblysynyń keı jerinde tuman túsýi yqtımal.
Atyraý oblysynyń keı jerlerde jaıaý burqasyn, tuman, kóktaıǵaq kútiledi. Qaraǵandy, Shyǵys Qazaqstan oblystarynyń keı jerlerinde jel 15-20 m/s-ge kúsheıedi, Shyǵys Qazaqstan oblysynyń keı jerlerinde tuman kútiledi.
Almaty oblysynyń keı jerlerinde qatty aıaz saqtalady.
