Beısenbide Qazaqstannyń basym aýmaǵy antıtsıklonnyń yqpalynda bolady - Qazgıdromet
ASTANA. 8 jeltoqsan. QazAqparat - «Qazgıdromettiń» boljaýynsha, beısenbi kúni Qazaqstannyń basym aýmaǵy antıtsıklonnyń yqpalynda bolady.
Máselen, Ońtústik Qazaqstan, Qyzylorda, Shyǵys Qazaqstan, Qostanaı, Qaraǵandy oblystarynda tuman bolady.
Almaty oblysynyń keı jerlerinde tumandy, Jalańashkól aýmaǵynda sekýndyna 18-23 metr jyldamdyqpen soǵatyn jeldiń ekpini keı ýaqyttary 28-ge jetýi yqtımal.
Jambyl oblysynyń jekelegen jerlerin tuman basyp, kóktaıǵaq bolady.
Mańǵystaý, Batys Qazaqstan, Atyraý oblystarynda jel kútilýde. Onyń ekpini sekýndyna 15-22 metrdi quraıdy. Atyraý oblysynda kúndiz sondaı-aq, tuman boljanýda.
Al Astanada beısenbi jaýyn-shashynsyz ótedi. Sekýndyna 9-14 m/s kúshpen jel soǵady. Aýanyń temperatýrasy kúndiz -8-10, túnde -19-21 gradýsty quraıdy.
