Beısenbide elimizdiń basym bóliginde aptap ystyq bolady
Atmosferalyq fronttardyń áserinen Qazaqstan terrıtroııasynyń basym bóliginde turaqsyz aýa raıy saqtalady – naızaǵaı jarqyldap, jańbyr jaýady, jel kúsheıedi.
Elimizdiń ońtústiginde - shańdy daýyl, batysynda, ońtústik-shyǵysynda – burshaq, soltústiginde - túnde tuman túsedi.
Tek Qazaqstannyń ońtústigi, ońtústik-batysy, soltústik-batysy men ortalyǵynda jaýyn-shashyn jaýmaıdy.
Túrkistan, Qyzylorda, Atyraý oblystarynyń basym bóliginde, Batys Qazaqstan oblysynyń ońtústiginde, Qostanaı oblysynyń batysynda, ortalyǵynda, Jambly oblysynyń ońtústiginde tótenshe órt qaýpi saqtalady.
Kúndiz Batys Qazaqstan, Atyraý, Aqtóbe, Qostanaı oblystarynyń basym bóliginde, Soltústik Qazaqstan, Ulytaý oblystarynyń ońtústiginde, Túrkistan obysynyń ońtústiginde, batysynda aptap ystyq bolady.
Kúndiz Mańǵystaý oblysynyń basym bóliginde, Batys Qazaqstan, Atyraý, Aqtóbe, Qostanaı oblystarynyń ońtústiginde óte qatty ystyq bolady.
Nur-Sultan qalasynda kóshpeli bult shyǵady, jaýyn-shashyn jaýmaıdy. Aýyspaly baǵyttardan jel soǵady, kúshi - 2-7 m/s. Aýanyń temperatýrasy túnde 14-16, kúndiz 29-31 gradýs jyly bolady.
Almaty qalasynda kóshpeli bult, jaýyn-shashynsyz. Soltústik-shyǵystan jel soǵady, kúshi 3-8 m/s. Aýanyń temperatýrasy túnde 18-20, kúndiz 29-31 gradýs jyly bolady.
Shymkentte de kóshpeli bult, jaýyn-shashyn joq. Shyǵystan jel soǵady, kúshi 8-13 m/s. Aýanyń temperatýrasy túnde 19-21, kúndiz 35-37 gradýs jyly bolady.
