Beısenbide el aýmaǵynyń basym bóliginde kóktaıǵaq bolyp, jel kúsheıedi
ASTANA. QazAqparat - Búgin atmosferalyq fronttardyń ótýine baılanysty Qazaqstannyń basym bóliginde jaýyn-shashyn túsip, tek batysta, ońtústik-shyǵysta aýa raıy jaýyn-shashynsyz bolady. Respýblıkanyń keı jerlerinde jeldiń kúsheıýi, tuman, kóktaıǵaq, burqasyn kútiledi.
Bul týraly QR ІІM TJK baspasóz qyzmeti habarlaıdy.
Jambyl oblysynyń keı jerlerinde tuman, kóktaıǵaq bolady, jeldiń kúsheıýi 15-20 m/s, tańerteń jáne kúndiz ekpini 23-28 m/s-ǵa jetedi.
Qaraǵandy, Aqmola oblystarynyń keı jerlerinde tuman, kóktaıǵaq bolyp, burqasyn soǵady jáne jeldiń jyldamdyǵy 15-20 m/s-ǵa deıin jetedi.
Qyzylorda, Soltústik Qazaqstan, Qostanaı oblystarynyń keı jerlerinde tuman, kóktaıǵaq bolady, jeldiń jyldamdyǵy 15-20 m/s-ǵa deıin kúsheıýi kútiledi.
Túnde jáne tańerteń Shyǵys Qazaqstan oblysynyń keı jerlerde tuman, kóktaıǵaq bolady, kúndiz keı jerlerde jeldiń kúshi 15-20 m/s-ǵa jetedi.
Ońtústik Qazaqstan oblysynyń keı jerinde tuman bolyp, tańerteń jáne kúndiz jeldiń jyldamdyǵy 15-20 m/s-ǵa deıin jetedi.
Pavlodar oblysynyń keı jerlerinde jeldiń kúshi 15-20 m/s-ǵa jetip, kúndiz keı jerlerinde kóktaıǵaq kútiledi.
Mańǵystaý oblysynyń keı jerlerinde tuman túsip, jeldiń jyldamdyǵy 15-20 m/s-ǵa deıin jetedi.
Atyraý, Batys Qazaqstan, túnde Almaty oblystarynda tuman kútiledi.
