Beısenbide birqatar óńirdiń mektepterinde sabaq bolmaıdy
ASTANA. QazAqparat - Úskirik aıazǵa baılanysty 27 jeltoqsanda birqatar óńirdiń mektepterinde sabaq ótkizilmeıdi, dep habarlaıdy QazAqparat.
Pavlodar qalasynyń bilim berý bóliminiń málimdeýinshe, 1-aýysymnyń 1-11 synyptaryna sabaq bolmaıdy. Qalada aýa temperatýrasy mınýs 35 gradýs, jeldiń jyldamdyǵy sekýndyna 2 metr.
ShQO Tótenshe jaǵdaılar departamentiniń saıtynda oblystyq Bilim basqarmasyna silteme jasaı otyryp, óńirde birqatar qala men 12 aýdanda búgin sabaq bolmaıtyndyǵy jarııa etildi.
27 jeltoqsanda Óskemen (temperatýra mınýs 34), Semeı (-34), Kýrchatov qalalarynda (-35) 1-aýysymdaǵy 1-11 synyp aralyǵynda, kolledjderdiń 1-2 kýrstaryna, Rıdderde (-27) 1-aýysymnyń 1-9 synyptaryna sabaq bolmaıdy.
Shemonaıha aýdanynda (-35) 1-aýysymdaǵy 1-11 synyp aralyǵynda jáne kolledjderdiń 1-2 kýrstarynda, Zyrıanda (-39) 1-2 aýysymdaǵy 1-11 synyp aralyǵynda jáne kolledjderdiń 1-2 kýrstaryna, Glýbokoe aýdanynda (-35) 1-aýysymnyń 1-11 synyptaryna jáne kolledjderdiń 1-2 kýrstaryna, Kúrshimde (-34) 1-aýysymnyń 1-11 synyptaryna jáne kolledjderdiń 1-2 kýrstaryna, Katonqaraǵaıda (-34) 1-aýysymdaǵy 1-11 synyp aralyǵynda, Borodýlıha da(-37) 1-aýysymnyń 1-11 synyptaryna jáne kolledjderdiń 1-2 kýrstaryna, Jarmada (-32) 1-aýysymdaǵy 1-11 synyptarynda, Kókpektide (-37) 1-aýysymdaǵy 1-11 synyp aralyǵynda, Aıagózde (-26) 1-aýysymdaǵy 1-9 synyptarda, Tarbaǵataıda (-29) 1-aýysymnyń 1-9 synyptaryna, Abaı aýdanynda (-30) 1-aýysymdaǵy 1-4 synyptarda, Besqaraǵaıda (-37) 1-aýysymdaǵy 1-11 synyp aralyǵynda sabaq bolmaıdy.
Qaraǵandy qalasy bilim bóliminiń habarlaýynsha, qolaısyz aýa raıyna baılanysty birinshi aýysymda oqıtyn 0-4 synyptarǵa sabaq bolmaıdy.
Buryn Astananyń 1-aýysymda oqıtyn 0-4 synyptaryna sabaq bolmaıtyny habarlanǵan bolatyn. Sınoptıkterdiń aıtýynsha, elordada aýa temperatýrasy búgin mınýs 27 gradýs.
