Beısenbide birqatar óńirde 2 gradýs úsik júredi - Qazgıdromet
NUR-SULTAN. QazAqparat - Búgin, 2 maýsymda Qazaqstan terrıtorııasynyń basym bóligine Soltústik antıtsıklony áser ete bastaıdy. Osynyń saldarynan jaýyn-shashyn toqtap, aýa temperatýrasy tómendeıdi, dep habarlaıdy QazAqparat.
Qazgıdromet málimetinshe, tek Qazaqstannyń ońtústigi men shyǵysynda tsıklonnyń áserinen jańbyr men naızaǵaı, burshaq, daýyl saqtalady.
Respýblıka boıynsha jel kúsheıedi, ońtústik pen ońtústik-batysta shańdy daýyl, soltústik aýdandarda túnde jáne tańerteń – tuman, batysta, soltústik-batysta topyraq betinde úsik júredi.
Aqmola oblysynyń soltústigi men batysynda túnde jáne tańerteń tuman, kúndiz jeldiń ekpini - 15-20 m/s.
Almaty oblysynyń soltústigi, ońtústigi men taýly aýdandarynda burshaq, daýyl, ońtústigi, shyǵysy men taýly aýdandarynda jel qarqyny 25 m/s deıin kúsheıedi.
Kúndiz Túrkistan oblysynyń batysy, taýly aýdandarynda daýyl turady. Jeldiń kúshi 23 m/s asady.
Túnde Batys Qazaqstan oblysynyń soltústiginde topyraq betinde 2 gradýs úsik júredi.
Kúndiz Mańǵystaý oblysynyń soltústiginde jel qarqyny - 15-20 m/s, shańdy daýyl turady.
Soltústik Qazaqstan oblysynyń soltústigi, shyǵysy, Qyzylorda oblysynyń soltústigi, ortalyǵy, kúndiz Qaraǵandy oblysynyń soltústik-shyǵysynda jel jyldamdyǵy 15-20 m/s deıin kúsheıedi.
Qyzylorda oblysynda shańdy daýyl soǵady.
Kúndiz Qostanaı oblysynyń soltústiginde jeldiń ekpini 15-20 m/s jetedi, túnde soltústigi men batysynda topyraq betinde 2 gradýs úsik júredi.
Pavlodar oblysynyń ońtústiginde jel qarqyny - 15-20 m/s, túnde shyǵysta tuman túsedi.
Shyǵys Qazaqstan oblysynyń soltústigi, ońtústigi men shyǵysynda - burshaq, daýyl, soltústigi, ońtústigi men ortalyǵynda jeldiń kúshi 25 m/s asady.
Jambyl oblysynyń ońtústigi men taýly aýdandarynda burshaq, kúndiz soltústik-shyǵysy men taýly aýdandarynda jeldiń ekpini 15-20 m/s jetedi.
