Beısenbi kúni RF-nyń Omby oblysynda iri jol-kólik apatynan 16 adam qaza bolýyna baılanysty aza tutý kúni jarııalandy
ASTANA. QazAqparat - Beısenbi kúni, 25 maýsymda Omby oblysynda 16 adam mert bolǵan jáne taǵy 11 adam zardap shekken jol-kólik oqıǵasyna baılanysty aza tutý kúni jarııalandy, dep habarlady óńir úkimetiniń aqparattyq basqarmasynyń ókili gýbernator Vıktor Nazarovqa silteme jasap.
Apat Ombydan 20 shaqyrym jerde oryn aldy, bul oqıǵa sońǵy aılardaǵy Reseı aýmaǵyndaǵy jol-kólik oqıǵalarynyń ishindegi eń irisi boldy. Aldyn ala málimetter boıynsha, qus fabrıkasynyń 22 qyzmetkerin alyp kele jatqan avtobýs qarsy betke shyǵyp ketip, «KamAZ» avtomashınasymen soqtyǵysty, dep jazady RIA Novostı.
«Qaza bolǵandardyń otbasylaryna, sonyń ishinde jerleýge de barlyq qajetti kómek kórsetiledi. Erteń Omby oblysynda aza tutý kúni jarııalandy», - dedi agenttik suhbattasýshysy.
