Beısenbi kúni respýblıkanyń basym bóliginde jel kúsheıip, burqasyn bolady
ASTANA. QazAqparat - 19 qarasha Qazaqstannyń terrıtorııasynda atmosferalyq fronttardyń ótýine baılanysty keı jerlerinde jaýyn-shashyn saqtalady, kóbinese qar jaýady, burqasyn, tuman, kóktaıǵaq bolyp, jel kúsheıedi.
Bul týraly Qazgıdromet habarlady.
Qaraǵandy oblysynyń keı jerlerinde tuman, kóktaıǵaq, jaıaý burqasyn, jeldiń 15-20 m/s kúsheıýi kútiledi. Qyzylorda oblysynyń keı jerlerinde tuman, kóktaıǵaq kútilip, kúndiz jel 15-20 m/s kúsheıedi. Jambyl, Ońtústik Qazaqstan, kúndiz Soltústik Qazaqstan oblystarynyń keı jerlerinde jel 15-23 m/s kúsheıedi, keı jerlerinde tuman kútiledi. Qostanaı, kúndiz Aqmola oblystarynyń keı jerlerinde jel kúsheıip, burqasyn bolady. Mańǵystaý, Atyraý oblystarynyń keı jerlerinde tuman, kóktaıǵaq bolady. Aqtóbe oblysynyń keı jerlerinde burqasyn bolady. Almaty, Shyǵys Qazaqstan oblystarynyń keı jerlerinde tuman baqylanady.
