Beısenbi kúni respýblıkanyń basym bóliginde jel kúsheıedi - Qazgıdromet
ASTANA. QazAqparat - 19 aqpan kúni Qazaqstan terrıtorııasynyń basym bóligi antıtsıklonnyń yqpalynda bolǵandyqtan, sonymen baılanysty jaýyn-shashynsyz bolady, tek batys jáne soltústik-batys bóliginde keı jerlerde jaýyn-shashyn, burqasyn, tuman, kóktaıǵaq, jel kúsheıýi kútiledi. Bul týraly Qazgıdromet habarlady.
Jambyl, Ońtústik Qazaqstan oblystarynyń keı jerlerinde tuman, kúndiz keı jerlerinde jel 15-20 m/s kúsheıedi. Aqtóbe oblysynyń keı jerlerinde burqasynmen jel 15-20 m/s kúsheıedi. Qostanaı oblysynyń túnde jáne tańerteń keı jerlerinde tuman, kúndiz keı jerlerinde jel 15-20 m/s kúsheıedi. Shyǵys Qazaqstan oblysynyń túnde keı jerlerinde burqasynmen jel 15-20 m/s bolady. Aqmola, Almaty oblystarynyń túnde jáne tańerteń keı jerlerinde tuman baıqalady. Mańǵystaý oblysynyń keı jerlerinde tuman, kóktaıǵaq kútiledi.
